85% da la finanziaziun ch'i dovra per sanar l'hotel Scaletta amez S-chanf è segirada. Per ramassar ils ultims 15% – u 2,5 milliuns francs agen chapital – sa drizza la fundaziun Hotel Scaletta cun in crowdfunding a la publicitad, sco ella scriva. Dapi il 2013 è l'hotel istoric amez il vitg serrà. Il 2020 è la fundaziun Scaletta S-chanf vegnida fundada cun la finamira da cumprar l'hotel istoric, da renovar quel en accordanza cun la tgira da monuments chantunala e suenter da far accessibel l'hotel a la populaziun indigena ed a giasts.
La lubientscha da bajegiar ed il project èn sin maisa. Il 2023 duain las lavurs da construcziun cumenzar ed il 2025 la gestiun da l'hotel.
