La chasa da scola en la fracziun da Scuol ha memia paucs locals d’instrucziun durant ils proxims onns, plinavant duain vegnir centralisads en l’avegnir tut ils stgalims, saja quai da la scolina fin a la reala/secundara e betg esser en differentas chasas en la vischinanza da la scola principala.
Il medem proceder prevesan ins er per ils uffizis communals, er quels èn repartids oz en plirs stabiliments. En l’avegnir duain tuts avair lieu en la chasa Du Parc, in bajetg che sa chatta en la vischinanza da la chasa da scola.
Il project vegn a custar circa 35 milliuns e duai vegnir realisà en etappas durant ils proxims sis onns. La radunanza communala da glindesdi saira ha approvà il project a chaschun da la votaziun consultativa dals 27 da november.
