Scola a Scuol - Tschertgar ina schliaziun per l'avegnir
La scola da la fracziun da Scuol n'ha pli avunda localitads, perquai s'occupa ina cumissiun communala dapi dus onns cun la situaziun da la scola a Scuol. Quella ha uss preschentà ina soluziun durabla.
Mesemna saira ha la cumissiun communala «Scuola Scuol +» preschentà in project per schliar a lunga vista il problem da la scola che ha memia paucas localitads. Il project cumpiglia trais novs edifizis e la sanaziunda la scola veglia. Quai duai custar tranter 30 fin 35 milliuns francs.
Sco proxim decida il suveran da Scuol ils 3 d'october davart in credit d'in mez milliun per planisar ed organisar la concurrenza dal project. Sco Christian Fanzun, il president da vischnanca ha declerà, datti lura ils 27 da november ina votaziun consultativa. Sch'il pievel schess lura Na, è il project giu da maisa ed i saja da chattar in plan B.
Legenda:
Il project «detretschar» prevesa da centralisar a Scuol la gestiun communala en la Chasa Du Parc (2). La scola duess vegnir drizzada en en la chasa da scola existenta (cotschen), en la chasa communala actuala (1) ed en in nov edifizi (4). Per la scolina duessan vegnir fabritgadas dus edifizis sur l’edifizi da la scola veglia.
FMR
