Bundant 620 participants e participantas han fatg part al questiunari. Tenor il rapport final è ina majoritad cunter ina taxa directiva per segundas abitaziuns.
Reacziun da la vischnanca
Per Nora Saratz Cazin, la presidenta communala da Puntraschigna, è stà cler che tscherts puncts dal questiunari vegnian discutà cuntravers. La finamira era da metter sin il palc tut ils puncts pussibels ed impussibels. Quai per discutar e metter en dumonda tut las pussaivladads per schliar la problematica acuta en vischnanca dal spazi da viver per indigens.
Co vinavant
Sco che la finanziaziun custusa per la fundaziun da Puntraschigna, che duai supportar projects per abitaziuns per indigens en vischnanca, duai vegnir procurada en avegnir n’è anc betg cler. La vischnanca da Puntraschigna duai analisar sco prim il rapport, ed alura decider tge mesiras ch’ella propona a la radunanza communala.
