Il problem n'è betg nov tenor Cesare Trabattoni ch'abita en il chantun Tessin, ma passenta radund 150 dis l’onn er a Puntraschigna en sia abitaziun.
Ils indigens han profità da la situaziun cun vender lur chasas ed ussa stuain nus possessurs da segundas abitaziuns schliar il problem.
El n'è betg encunter ina taxa directiva ma quella duessan tuts pajar ensemen e betg mo las segundas abitaziuns.
audio
Sfida da chattar abitaziuns per indigens a Puntraschigna
ord Actualitad dals 06.02.2024.
Maletg: RTR
laschar ir. Durada: 3 minutas 9 Secundas.
Naginas abitaziuns per indigens sin il martgà
Il guid da muntogna Marcel Schenk e sia famiglia én en tschertga dad ina abitaziun pli gronda, ma per il mument n'èsi betg pussaivel da chattar ina adattada per sia famiglia cun trais uffants.
Nus vivin dal turissem, ma il turissem viva era da nus. U ch'i mancan ils osps u ch'i manca la purschida.
Inchargiar mo a las segundas abitaziuns n'è era per el betg ina schliaziun. El ha gronda speranza che l’exposiziun da cooperaziun maina ideas concretas per ch'osps ed indigens possian viver a Puntraschigna.
