Ils arguments dals iniziants han satisfatg ils preschents. La giuventetgna dad ozendi vivia en in mund pli cumplitgà e pretendia perquai dapli transparenza tar las vischnancas. La fidanza envers instituziuns communalas creschia cun in'invista cumpletta. Ma er l'argument ch'ils proprietaris da segundas abitaziuns hajan la pussaivladad dad avair invista en affars communals, ha persvas il suveran per la varianta chantunala.
La proposta da la radunanza communala vegn ussa suttamessa a la populaziun, ensemen cun la cuntraproposta che prevesa dapli restricziuns d’invista cumpareglià cun la lescha chantunala.
La votaziun a l’urna ha lieu ils 28 da november.
