Oravant tut la stagiun da stad 2021 ha procurà per in augment marcant da la svieuta. Surtut ils giasts svizzers han fatg diever da las pendicularas, ma era dal Bike-Shop e da la purschida supplementara Rafting. Malgrà la pauca naiv durant la stagiun d’enviern han las pendicularas augmentà la svieuta per bunamain 7%, quai tenor ina communicaziun a las medias.
Grazia al fitg bun resultat è era garantida la planisaziun dal nov object da manaschi e da restauraziun. La realisaziun da quest project, che vegn a custar radund 15 milliuns francs, è previsa durant ils proxims dus onns.
