Marc Schürer è oriund da Son Gagl, ha studegià aviatica e lavurà a Turitg e Hamburg en Germania. Ensemen cun sia partenaria ha el decis da viver en Engiadina. Uschia ha el cumenzà sco manader operativ tar la Engadin Airport SA a Samedan.
Il lieu da lavur resta – il patrun e la responsabladad midan
A partir dal prim da december mida Marc Schürer tar la INFRA plazza aviatica Samedan, ina interpresa da dretg public da las vischnancas da l’Engiadin’Ota, responsabla per l’infrastructura da la plazza aviatica. La cumissiun administrativa sut la batgetta da Mario Cavigelli ha decis d’augmentar il pensum da lavur sin 100%, quai tranter auter era per distgargiar ils commembers da la cumissiun administrativa.
Il project da realisar ina nova e moderna infrastructura da la plazza aviatica n'è betg en il mauns da Marc Schürer. Quest project è vegnì surdà ad in biro extern. Sco nov manader da la INFRA survegn Marc Schürer tar quest project ina vusch consultativa.
