La Infra Plazza aviatica regiunala Samedan occupa sia direcziun administrativa cun Reto Giovanoli. L'econom surpiglia ses uffizi il cumenzament d'october. El maina il post d'administraziun, prepara las decisiuns da la cumissiun d'administraziun ed administrescha las infrastructuras da la plazza aviatica.
El succeda a Daniel Peter ch'aveva chalà la primavaira. Peter aveva anc duas funcziuns cumbinadas – sco manader da la direcziun administrativa e dal project da bajegiar. Questas duas funcziuns èn ussa separadas, sco la Infra Plazza aviatica regiunala Samedan communitgescha.
