-
Bild 1 von 9. Uss èsi uschè lunsch: Ils tartuffels cun num «Nüdeli» èn pronts per la racolta... Bildquelle: RTR, Anna Caprez.
-
Bild 2 von 9. Ils «Nüdelis» èn tartuffels che han uschè pitschens bots che creschan. Bildquelle: RTR, Anna Caprez.
-
Bild 3 von 9. Ed era ils tartuffels «Desiree» èn pronts. Bildquelle: RTR, Anna Caprez.
-
Bild 4 von 9. Tuts pon chavar ina giada per survegnir in tartuffel. Bildquelle: RTR, Anna Caprez.
-
Bild 5 von 9. Ils uffants pon lura racoltar ils emprims tartuffels or da lur iert. Bildquelle: RTR, Anna Caprez.
-
Bild 6 von 9. Ils ins tartuffels èn vegnids pli gronds, ils auters pli pitschens. Bildquelle: RTR, Anna Caprez.
-
Bild 7 von 9. L'andina Alfred cun Fynn. L'andina ha pudì mangiar ina massa verms ch'ils uffants han chattà. Bildquelle: RTR, Anna Caprez.
-
Bild 8 von 9. Bildquelle: RTR, Anna Caprez.
-
Bild 9 von 9. Il pitschen stgazi or da l'agen iert dals scolars a Ramosch. Bildquelle: RTR, Anna Caprez.
Oz ha RTR anc ina giada visità live la scola da Ramosch per far racolta e per vesair co la scola cuntinuescha cun l'iert. Sadellas plainas han ils scolars survegnì cun fritga e legums da lur agen iert. Suenter quatter mais è quai in bel sentiment da pigliar or da la terra ch'ins ha plantà avant. Dasper ils legums han ils uffants er vis blers insects, verms e coss en la terra. Intgins da quels han lura las giaglinas pudì mangiar.
Als uffants vegn declerà tut quai ch'i piglian or da la terra anc ina giada, saja quai ils legums u er ils insects u las larvas che vegnan or da la terra. Per la scolasta èsi il pli bel da pudair udir il «juhui» dals uffants cura ch'i han puspè chattà in tartuffel.
Gia cler è che la scola vegn a mantegnair l'iert er l'onn proxim. In'idea è da plantar lura zitgas.
Cura ch'els han cumenzà per l'emprima giada cun la lavur en lur iert da scola, il matg, avevan nus er visità els. Quai cun il bus da radio ed i'ura emissiun live (guarda l'artitgel sutvart).
- Dapli dal project «Missiun B».
- Registrai Vossa surfatscha biodiversa sin missiunb.ch.
- As participai a nossa gruppa sin Facebook.
RR actualitad 11:00