-
Bild 1 von 17. Dasper il plantar frajas e tartuffels vegn er intercurì quai che crescha sin las plantas en il conturn. Bildquelle: RTR, Gion Gieri Flepp.
-
Bild 2 von 17. La moderatura Ladina Schena en discurs cun ils uffants da la scola primara da Ramosch. Bildquelle: RTR, Gion Gieri Flepp.
-
Bild 3 von 17. Tartuffels, tartuffels ed anc ina giada tartuffels... Bildquelle: RTR, Gion Gieri Flepp.
-
Bild 4 von 17. Gugent dattan scolaras e scolars pled e fatg live en il radio davart lur plans per l'iert da scola. Bildquelle: RTR, Gion Gieri Flepp.
-
Bild 5 von 17. Cun agid dals pes mesiran ils uffants la distanza tranter in tartuffel ed il proxim. Bildquelle: RTR, Gion Gieri Flepp.
-
Bild 6 von 17. Ils uffants han plazzà ils tartuffels cun gronda precauziun bel en ina lingia. Bildquelle: RTR, Gion Gieri Flepp.
-
Bild 7 von 17. Igl è da far tschuf ils mauns. Bildquelle: RTR, Gion Gieri Flepp.
-
Bild 8 von 17. Betg mo l'iert è interessant, er il bus d'emetter e la tecnica da radio. Bildquelle: RTR, Gion Gieri Flepp.
-
Bild 9 von 17. En stanza da scola han ils uffants plantà tartuffels en ina chista da vaider per vesair meglier er quai che capita sut terra. Bildquelle: RTR, Gion Gieri Flepp.
-
Bild 10 von 17. Geniturs dals uffants sin visita en il studio da radio mobil. Bildquelle: RTR, Gion Gieri Flepp.
-
Bild 11 von 17. Er il tschentar plantinas tutga tar las lavurs en l'iert da scola: qua plantinas da frajas. Bildquelle: RTR, Gion Gieri Flepp.
-
Bild 12 von 17. Il studio mobil a Ramosch. Bildquelle: RTR, Gion Gieri Flepp.
-
Bild 13 von 17. Sin il program stat plantar tartuffels. Ils uffants survegnan instrucziuns ed infurmaziuns dad experts da la Fundaziun Pro Terra Engiadina. Bildquelle: RTR; Gion Gieri Flepp.
-
Bild 14 von 17. Ils emprims uffants èn gia arrivads a l'iert. Bildquelle: RTR, Gion Gieri Flepp.
-
Bild 15 von 17. Gia la damaun marvegl èn Ladina Schena e Gion Gieri Flepp partids cun il bus dal radio en direcziun Engiadina. Bildquelle: RTR, Gion Gieri Flepp.
-
Bild 16 von 17. Arrivads a Ramosch hai num preparar il bus d‘emetter l‘emissiun live. Bildquelle: RTR, Gion Gieri Flepp.
-
Bild 17 von 17. L‘iert per ils uffants sa chatta gist sper la chasa da scola. Bildquelle: RTR, Gion Gieri Flepp.
Nus avain tranter auter pruvà da sclerir, pertge che tals projects cun ils uffants fan senn ed èn impurtants. Plinavant avain nus vulì savair co ch'els emprendan ensemen cun scolastAs ed experts da Pro Terra Engiadina dapli sur da la natira e da la biodiversitad.
L'idea è sa dada or d'in workshop davart la promoziun per in svilup persistent da la natira, cultura e cuntrada en l'Engiadina Bassa. Manà vegn il project da la fundaziun Pro Terra Engiadina che porscha maun a las scolas tar l'organisaziun: Saja quai cun metter a disposiziun guaffens, sclerir dumondas pervi dal terren u er sustegn tar la tgira da l'iert fin tar la racolta.
Finamira dal project è da promover gia da pitschen ensi la relaziun cun l'ambient, da sviluppar responsabladad per la natira sco era da mussar co ir enturn cun il tema durabilitad. Sper la scola da Ramosch as participeschan er anc quellas da Strada, Sent, Ftan, Ardez e Zernez al project.
Dals experts survegnan ils uffants tranter auter:
- tips per manar in diari d'iert
- enconuschientschas davart l'aura
- infurmaziuns tge plantas u verduras ch'èn indigenas
- savida davart plantas u plantinas pli veglias da la regiun
- tips per la tgira da l'iert
L'iert da scola duai lura er esser la basa per divers cuntegns da l'instrucziun, tranter auter en il rom «natira uman e societad». Saja quai lura cun emprender d'enconuscher e definir diversas spezias d'animals e plantas, sviluppar in plan per las lavurs d'iert, da la producziun da mangiativas u er dals ciclus da la natira durant las 4 stagiuns. Er geniturs u vischins interessads pon vegnir integrads en il project.
Missiun B a Ramosch
- Dapli dal project «Missiun B».
- Registrai Vossa surfatscha biodiversa sin missiunb.ch.
- As participai a nossa gruppa sin Facebook.
RR actualitad 11:00