Ils organisaturs da la pli gronda cursa populara da passlung da la Svizra èn optimistics, che la 52avla ediziun dal Maraton da skis engiadinais po vegnir manada tras. Sco Menduri Kasper, il directur dal maraton da skis ha ditg, lavuran ils responsabels actualmain sco usità vid l’organisaziun da l’eveniment che ha lieu en radund dus mais, ils 13 da mars 2022.
Noss concept da segirezza è actualmain tar il chantun, e nus spetgain uss sin la conferma.
Certificat, organisaziun da partenza ed arrivada
Cler saja ch’i dovra in certificat per il maraton da skis, per la cursa da dunnas ed er per la cursa da notg. L’organisaziun da la controlla vegnia elavurada en in proxim pass. In concept spezial datti er per l’organisaziun a la partenza ed en l’arrivada. Quel duai vegnir communitgà las proximas emnas, ha declerà Menduri Kasper. Ils organisaturs s'engaschan cumplainamain – per ch’il Maraton da skis engiadinais po festivar suenter dus onns pausa ses comeback!
