Il Festival Tschanüff a Ramosch duess laschar reviver il lieu istoric – la ruina da Tschanüff – cun trais fin d’emnas musicalas.
La ruina che è vegnida fabritgada l’onn 956, menziunada per l’emprima giada l’onn 1256 en possess da l’uvestg da Cuira, che era vegnida destruida quatter giadas e che era dapi l’onn 1780 in decadenza. Durant ils ultims 20 onns è la ruina vegnida sanada per 2 milliuns francs ed è ussa pronta nova vita.
Concert unic
Questa fin d’emna era la Grischun Brass en visita a Ramosch ed ha fascinà a las visitadras ed ils visitaders cun in concert unic.
La Grischun Brass è in ensemble da musicists amaturs ma era da professiun da l’entir chantun Grischun. Gian Stecher è il dirigent e maina dapi l’on 2019 l’ensemble. La GR Brass fa part a la classa «elita» e sa participescha adina puspè a concurrenzas naziunals ed internaziunalas.
Il lieu dal Festival Tschanüff sut tschel avert era er per las musicistas ed ils musicists dal tuttafatg spezial ed in’experientscha unica.
Festival Tschanüff
-
Bild 1 von 4Legenda: Durant 20 onns è la ruina Tschanüff vegnida sanada. RTR -
Bild 2 von 4Legenda: Al pe da la ruina Tschanüff sin il palc – la Grischun Brass. RTR
-
Bild 3 von 4Legenda: In'atmosfera speziala per visitadras e visitaders ma er per las musicistas ed ils musicists. RTR
-
Bild 4 von 4Legenda: Cun vista vers in futur plain vita. RTR