Concerts ed occurrenzas datti ina massa en l'Engiadina Bassa. Ma events pli gronds che promovan la creaziun da valur, quels èn rars, di l'organisatur dal «Festival dals nanins», Nicolo Bass.
Nicolo Bass è in um dumandà sch'i va per l'organisar events regiunals. El ha, tranter auter, gidà ad organisar il musical a Scuol, il Scuol Classic. Gia avant blers onns era Nicolo Bass stà l'organisatur dal «Xong», in'organisaziun sur trais pajas.
Al Festival dals nanins vai per sa radunar, far musica senza concurrenza, per avair plaschair e giudair.
Il Festival dals nanins duai daventar insatge cumparegliabel a l'enconuschent «Woodstock der Blasmusik», in event ch'attira mintg’onn millis persunas.
Dals 7 nanins al Festival da musica instrumentala
Naschida è l’idea per il Festival dals nanins perquai che Nicolo Bass suna sez en ina gruppa da musica cun il num «Ils 7 nanins». 14 gruppas da musica da la Svizra, da l'Austria e dal Tirol dal Sid rivan a Scuol per far musica da trategniment.
La premiera ha lieu ils 7 da zercladur en ina tenda cun spazi per radund 600 persunas.
