Sur trais fin d’emnas dal zercladur da l’onn passà ha gì lieu la festa chantunala da tir Grischuna en las valladas dal sid. Da stans da tir a Samignun sur l’Engiadina Bassa, la Val Müstair, l’Engiadin’Ota, il Puschlav, en la Bregaglia fin la Mesolcina, eran bleras uniuns da tiradurs e tiraduras engaschadas per quest event. Bun 8'000 tregants e tregantas èn stads da la partida.
Organisatoricamain grev...
Per Martin Aebli, president dal comité d’organisaziun dal tir, era l'incumbensa da chattar sponsurs avant il event greva. Ma era l’aura durant las fins d’emnas cun ils urizis e serradas dal Pass dal Bernina n'eran betg simpel da dumagnar. Quai saja tenor el be stà pussaivel cun l’agid da las differentas uniuns da tiradurs e tiraduras.
Nus avain pudì manar tras quest event uschè sco che nus avain mess avant quai. In grond engraziament appartegna a las uniuns localas ch'han gidà cun grond engaschament da realisar quest tir chantunal.
... ma per la finiziun in gudogn
Malgrà las difficultads da l’organisaziun po Martin Aebli preschentar a la radunanza generala da l’organisaziun da tir chantunal cifras allegraivlas: 488’000 francs gudogn ha l’event generà. Quest gudogn duai vegnir spartì tranter las differentas uniuns da tir ch'èn sa participadas a l’occurrenza.
Or da l'archiv: