Durant 3 fin d’emnas a partir dals 14 zercladur 2024 han las tregantas e tregants la pussaivladad da mussar lur abilitad da trair cun la pistola sin 50 meters u cun il schluppet sin 300 meters.
Il comité d’organisaziun fa quint cun passa 8’000 participantas e participants. Previs en 15 differents implants da tir da Samignun, sur tut l’Engiadina, Bregaglia, Puschlav ed era en Mesolcina. Actualmain en els vi dal preparar l’infrastructura tecnica che permetta ina sperta communicaziun dals resultats tranter ils implants en il lieu central da la festa a Zuoz.
Voluntaris per differentas lavurs
Controlladers dals implants, persunas che registreschan ils resultats, las gastronomias e bler auter pli dovra bleras voluntarias e voluntaris. Il comité spereschia sin ina buna collavuraziun cun las societads da tregants regiunals ma era cun autras societads culturalas che sustegnan, plinavant èsi tut tenor era previs da dumandar a scolaras e scolars.
Las Vals dal Sid han blers «fans» dal sport da tregants, perquai vegn quai segir a funcziunar.
Il preventiv per la Festa chantunala da tir 2024 prevesa custs da radund 1,5 milliuns francs. La promoziun da sponsurs ha gia cumenzà.