La regenza grischuna sustegna cumplainamain che l'interpresa d'infrastructura «plazza aviatica regiunala da Samedan» (INFRA) persequitescha la strategia da modernisar la plazza aviatica e da meglierar l'accessibladad sco destinaziun turistica.
Cunquai ch'i duai vegnir introducì sgols regulars sco er il sistem d'atterrament cun agid d'instruments, beneventa la regenza grischuna er, che l'entir areal da la plazza aviatica vegn circumdà cun ina saiv. Quai er per il cas ch'i vegn eventualmain introducì il traffic da lingia.
Saiv enturn l'areal da la plazza aviatica
La regenza accentuescha en sia communicaziun che la protecziun da la natira e da la cuntrada stoppia vegnir resguardada en connex cun la construcziun d'ina saiv enturn l'areal da la plazza aviatica.
RR novitads 10:00
