Sin il traject da la Val S-charl èn vegnidas giu pliras bovas e donnegià fermamain la via. Plinavant è er la lingia da la forza electrica vegnida stgarpada giu. Qua tras è la fracziun da S-charl serrada en ed è per il mument anc senza forza electrica. Pertutgà da quai èn en emprima lingia ils dus hotels a S-charl e las radund 50 persunas ch’èn serradas en la Val S-charl.
-
Bild 1 von 7Legenda: Il material che la Val Lischana ha purtà. Reto Mayer -
Bild 2 von 7Legenda: La bova da la Val Lischana. Reto Mayer
-
Bild 3 von 7Legenda: L’En a Scuol e puspè stagna Reto Mayer
-
Bild 4 von 7Legenda: Bova Val S-charl tar il Minger enchaschament OEE. MAD
-
Bild 5 von 7Legenda: 1 di suenter la situaziun a Pradella1 di suenter la situaziun a Pradella Reto Mayer
-
Bild 6 von 7Legenda: L'urizi en la regiun da Scuol che ha chaschunà donns. Yvonne Mayer
-
Bild 7 von 7Legenda: Ferms urizis en la regiun da Scuol. Yvonne Mayer
Persunas ch'eran sin viadi han stuì vegnidas evacuadas
Sonda saira eran differents autos da viadi sin il traject tranter Scuol e S-charl cura che la bova è ida a val. Quels èn vegnids serrads en e 15 persunas han stuì vegnidas evacuadas cun in helicopter. Duas da quellas pir dumengia a bun’ura. Naginas persunas èn dentant vegnidas feridas. Quant temp che la Val S-charl resta serrada n'è anc betg cler.
Donns er en la Val d’Uina
Er en Val d’Uina ha la bova procurà per gronds donns. La via è serrada. Plinavant èn vegnids chaschunads donns en la Val Lischana. D’ina vart èn duas punts vegnidas stgarpadas davent e da l’autra vart è in enchaschament dal provediment d’aua da Scuol vegnì donnegià.
Radund 50 persunas vegnidas evacuadas
Dumengia èn vegnidas evacuadas or da la Val S-crhal cun il helicopter radund 50 persunas. Vul dir, tut quellas persunas che han vulì bandunar S-charl ha pudì far quai. Tenor Christian Fanzun il president communal duessi esser pussibel da reparar las lingias da la forza electrica fin damaun la saira. Quant ditg che la via resta serrada n'è anc betg cler.
Infurmaziuns detagliadas datti sut www.scuol.net
Er las Ovras Electricas d'Engiadina èn pertutgadas
Era pertugà da las malauras èn las Ovras Electricas d'Engiadina.
Pervia da bovas sajan pliras tschiffadas d'aua vegnidas messas ord funcziun, scrivan las Ovras Electricas. Las lavurs da rumir e da puspè metter en funcziun ils implants vegnian a cuzzar plirs dis.
RR novitads 06:00