Mario Mammoliti ha deditgà sia vita per proteger ils animals selvadis en l’Africa dal sid. Sia passiun per creaturas ch’el ha gia dapi sia uffanza a Zuoz e S-chanf, viva l’um da 34 onns er oz cun gidar. Per proteger liuns, elefants e rinoceros da frauduladers, lavura el dapi 15 onns adina puspè sco ranger voluntari en ils parcs naziunals da l’Africa dal sid.
In dils problems è che – sper ils sindicats – mazza er la populaziun indigena ils animals, per avair charn. Da declerar che l’atgna existenza vegn uschè destruida, è ina da las grondas sfidas da nossa lavur.
-
Bild 1 von 16. Mario Mammoliti en acziun. Bildquelle: Mario Mammoliti.
-
Bild 2 von 16. Adina na datti betg insatge da mangiar durant ils dis da lavur... Bildquelle: Mario Mammoliti.
-
Bild 3 von 16. ...ubain insatge fitg simpel. Bildquelle: Mario Mammoliti.
-
Bild 4 von 16. Ils inscunters cun ils animals en la natira remunereschan adina bler. Bildquelle: Mario Mammoliti.
-
Bild 5 von 16. La bulscha da Mario Mammoliti è adina bain emplenida cun tut quai ch'el dovra per l'acziun. Bildquelle: Mario Mammoliti.
-
Bild 6 von 16. Muments spezials en la natira. Bildquelle: Mario Mammoliti.
-
Bild 7 von 16. Tut l'equipament è fitg simpel. Bildquelle: Mario Mammoliti.
-
Bild 8 von 16. sco er ils alloschis.... Bildquelle: Mario Mammoliti.
-
Bild 9 von 16. Savens datti be ina blatga per durmir sut en. Bildquelle: Mario Mammoliti.
-
Bild 10 von 16. Filfiers d'ils frauduladers allontanads dals rangers. Bildquelle: Mario Mammoliti.
-
Bild 11 von 16. Armas per las guardias-selvaschina èn stgarsas, causa mancanza da raps tar las organisaziuns. Bildquelle: Mario Mammoliti.
-
Bild 12 von 16. Ils «Rangers» èn adina en viadi en pliras persunas. Bildquelle: Mario Mammoliti.
-
Bild 13 von 16. In dals tipics alloschis per pernottar en la natira. Bildquelle: Mario Mammoliti.
-
Bild 14 von 16. Las tendas per pernottar vegnan adina puspè transportadas en in auter lieu. Bildquelle: Mario Mammoliti.
-
Bild 15 von 16. Cura che Mario Mammoliti n'è betg en l'Africa dal sid a gidar, lavura el en ina butia da sport a Zuoz. Bildquelle: Mario Mammoliti.
-
Bild 16 von 16. L'Engiadinais en la tipica vestgadira da militar. Bildquelle: Mario Mammoliti.
L’engaschament da l’Engiadinais en l’Africa dal sid a favur da la protecziun d’animals, dura mintgamai in fin trais mais e na porta nagins raps.
La fascinaziun è d'arrivar bler pli datiers als animals sco per exempel durant ina safari ord in jeep.
-
Bild 1 von 3. Periclitads èn ils elefants.... Bildquelle: Mario Mammoliti.
-
Bild 2 von 3. Il pli ferm interessads èn ils frauduladers vid ils rinoceros. Surtut vid lur corna preziusa. Bildquelle: Maria Mammoliti.
-
Bild 3 von 3. .... ed er giraffas. Bildquelle: Mario Mammoliti.
Il film premià «Rhino Man» raquinta da la lavur pretensiusa e privlusa da las guardias-selvaschina en l’Africa dal sid. En il center stattan ils animals, la recrutaziun e scolaziun dals gidanters, ma er il mazzament brutal d’in «Ranger».
Questa sonda, 15 da favrer 2025, a las 19:00 vegn il film mussà a La Punt Chamues-ch en la sala communala. Suenter respunda Mario Mammoliti las dumondas ord il public davart sia lavur. Las entradas van cumplettamain a favur da las organisaziuns che s’engaschan per la protecziun dals animals.
Inscunters privlus
Ils teams da guardiaselvaschina sajan savens en viadi a pe. Tut tenor fetschian els fin 2’000 kilometers durant in bun mais, uschè il «Ranger» engiadinais. Er l’equipament per sa defender saja stgars, raps per armas manchian savens. Uschia ch’els sajan er adina puspè en privel tar inscunters cun frauduladers.
Cundiziuns precaras
Ultra da la lavur pretensiusa adina a la tschertga da fastizs da frauduladers ed animals ferids, saja er l’alloschi ed il nutriment ina gronda sfida. Savens pernotteschia Mario Mammoliti ensemen cun auters gidanters sut ina simpla blatga da plastic e betg adina dettia er insatge per mangiar. Er la communicaziun cun la populaziun indigena saja difficila pervi da las bleras linguas en l'Africa dal sid. Malgrà questas sfidas, è l’Engiadinais motivà da cuntinuar sia lavur. Sia proxima acziun planiseschia el per l’october u november da quest onn. Tut tenor en Namibia ubain puspè en l’Africa dal sid.
Or da l'archiv: