La fundaziun provediment da sanadad Engiadin’Ota, curt SGO, ha ina nova presidenta dal cussegl administrativ. Prisca Anand è vegnida elegida unanim da la fundaziun. Ella surpiglia da Gian Arard Melcher, che ha suenter 10 onns en il cussegl, da quels divers sco vicepresident e dapli l’onn passa sco president, sa retira per la fin d’avust.
Plans per l’avegnir
Prisca Anand, cussegliera communala da San Murezzan e manadra d’ina firma da cussegl per concerns da farmazia e retschertga da medicaments, vul ensemen cun la fundaziun ir vinavant la via da transfurmaziun. Quella cumpiglia la tschertga da la meglra furma per l’avegnir. Dus variantas vegnian en dumonda. Ubain restar enavant independent ubain tschertgar la collavuraziun cun l’ospital chantunal a Cuira.
Elavurar las variantas
Prisca Anand vul ensemen cun ils responsabels e las responsablas da la SGO avair sin maisa las duas variantas per la fin da quest onn. Fin ch'igl è uschè enavant stoppian ella e ses collegas da la fundaziun far anc gronda lavur.
