En ils davos dis ha il flum En manà enormas massas dad aua turbla. Per ils peschs n’è quai però betg stà in grond problem. Oravant tut en quels lieus nua che l’En è revitalisà chatta il pesch divers lieus per sa proteger.
En quels lieus nua che l’En é chanalisà na vegn il pesch però betg da sa trategnair. El vegn purtà aval ed ha da tschertgar in lieu pli calm e spetgar enfin che la situaziun sa meglierescha e lura turna el puspè en ses lieu oriund. Il turnar a chasa, quel dovra però bler'energia, uschia il survegliader da pestga en Engiadin’Ota Linard Jäger.
In’auazun è in eveniment natiral che na chaschuna nagins donns per il pesch, uschè in’auazun stgaffescha novs lieus da vita per ils peschs.
Suenter l’auazun fa el però ina controlla lung al flum per observar ils midaments ed oravant tut per gidar ils peschs che sa chattian en puzs e n'han pli la pussaivladad da returnar en il flum.