Radund 430 meters cubics per secunda aua han ins mesirà glindesdi gist suentermezdi. Immediat han ins cumenzà cun segirar ina chasa en la fracziun da San Niclà gist en vischinanza dal flum En. Tenor il selvicultur e commember da la cumissiun da privels Mario Denoth han ins gì gronda fortuna.
Sco emprima mesira han els emplenì tubs cun aua e realisà in serra, plinavant han els fabritgà a curta vista in rempar cun crappa e terra.
Nus essans fitg cuntents d’avair pudì segirar la chasa a San Niclà.
Detagls dals donns n’èn dentant betg survesaivels, ma quai ch’ins sa dir è che la serenera da la fracziun ha donns, plinavant era la punt da lain sur l’En e finalmain è la via da velos lung al flum vegnida destruida per part.
La vischnanca prevesa ussa da far in valitaziuns dals donns per trair lura las gistas mesiras per l'avegnir.
