Il pèr Lucrezia ed Ewald Wolf-Delnon giauda il temp da pensiun savens sin duas rodas. Per pudair far quai ensemen, ha l’Engiadinaisa sustegn da la battaria en ses mountainbike.
Quai è ina stupenta soluziun che pussibilitescha a nus dad ir ensemen cun il bike.
Grazia al sustegn da duas battarias integradas en il bike ed ina dapli sin il portabagascha vegnian els da far trajects d’ina lunghezza da fin 150 km la giada. Per ses um saja il moviment da gronda impurtanza. Uschia saja el gia partì a pliras cursas da velo professiunalas ed ha absolvì 15'000 km l'onn cun il velo, uschia Lucrezia Wolf-Delnon. Ella sezza haja pir scuvrì il sport en la vegliadetgna da 30 onns.
-
Bild 1 von 4Legenda: Lucrezia ed Ewald Wolf-Delnon èn savens en viadi cun il bike. MAD -
Bild 2 von 4Legenda: Lucrezia Wolf-Delnon cun ses e-bike da 45 km. MAD
-
Bild 3 von 4Legenda: Cun sustegn da la battaria vegn il pèr da Vaduz da scuvrir vias enfin si en ils auts. MAD
-
Bild 4 von 4Legenda: Lucrezia Wolf-Delnon è creschida si a Zuoz. RTR, Anna Caprez
Da Vaduz a Zuoz
Il pèr ch'abita a Vaduz en il principadi Liechtenstein, fa almain duas giadas l’onn er il viadi en lur abitaziun a Zuoz cun il velo. Per quel traject dovrian els stgars sis uras, uschia la dunna sportiva. Insumma saja il viadi cun il velo era ina buna pussaivladad per vesair dapli da las cuntradas. Savens èn els er da viadi en l'ester.