L’Engiadin’Ota – ella è stada fullanada plaina durant ils dis da festa. Ils dis da festa èn per blera glieud dis da vacanzas, da recreaziun e dal giudair ils muments ensemen en famiglia. Quels che n’han betg pudì metter ad aut ils pes sin il canapé e star patgific, quai èn stads las policistas ed ils policists da la Polizia chantunala.
Lavurar durant ils dis da festa è adina spezial, cunquai che nus essan en in lieu fitg turistic. Ins inscuntra fitg differentas persunas.
Da fieus, sur accidents fin tar bancomats siglientads – la paletta dad accidents e delicts è stada vasta. Sin il post da la Polizia chantunala en Engiadin’Ota a Samedan lavuran en tut 31 policistas e policists. Els èn stads en servetsch per la segirezza, per calmar, ma era per chattar il dialog tranter persunas ch'èn malperina. RTR ha pudì accumpagnar exclusivamain ina patruglia durant in servetsch dal di.
Or da l'archiv:
