Il schaner ha la suprastanza communala da San Murezzan dà la lubientscha da construcziun per il center da tgira Du Lac a San Murezzan Bagn. Cunter quella n’hai dà nagins recurs, sco la vischnanca scriva en ina communicaziun. Perquai po vegnir cumenzà cun la construcziun suenter Pasca. Gia durant il mais mars vegnan fatgas las lavurs da preparaziun sco la rumida da naiv.
Part dal project center da tgira Du Lac è in parcadi public sutterran ed in’adattaziun da la Via Giovanni Segantini.
L’inauguraziun da la nova chasa da tgira per San Murezzan, Silvaplauna e Segl è prevesida per l’onn 2024.
audio
Per tadlar curt e cumpact
ord RTR Audio dals 15.03.2021.
laschar ir. Durada: 1 minuta 4 Secundas.
