Segl, Silvaplauna e San Murezzan pon entschaiver cun la planisaziun da la nova chasa da tgira Du Lac San Murezzan. Sco quai che la vischnanca da San Murezzan communitgescha vegn scrit ora ina concurrenza da project per l’entschatta d’avust e l’avrigl 2018 decida lura ina giuria tgenin project che vegn realisà.
Quai suenter che las vischnancas da l’Engiadin’Ota han questa primavaira decidi da renovar tant la chasa da tgira Promulins a Samedan sco era da bajegiar da nov ina chasa da tgira sin l'areal Du Lac a San Murezzan. Planisads èn mintgamai 60 letgs. Il chantun contribuescha radund quatter milliuns francs vid ils custs.
RR novitads 11:00