Nina Mayer ha scrit ils texts e las chanzuns, sia figlia Mira Luisa è stada responsabla per la grafica. Il resultat è in cudesch cun 30 chanzuns en vallader per uffants da 4 enfin 10 onns.
Dapi 20 onns abita Nina Mayer cun sia famiglia a Ramosch. Ella ha scrit durant ils davos onns ina pluna chanzuns ed ussa finalmain realisà in cudesch cun quellas. Sper il cudesch datti era duas CD’s: ina cun las chanzuns ed ina en furma da karaoke, cun quella ch'ins ha la pussaivladad da chantar sez la chanzun. Tenor la magistra da musica Nina Mayer è quest cudesch adattà per chantar a chasa cun la famiglia, ma era durant l’instrucziun en scola.
Il concert en il hotel Palace a Scuol
-
Bild 1 von 3Legenda: Nina Mayer cun ils uffants durant il concert. RTR -
Bild 2 von 3Legenda: Ina massa glieud è stada da la partida al concert da preschentaziun dal cudesch. RTR
-
Bild 3 von 3Legenda: La band da Nina Mayer. RTR
Ina massa glieud è stada al concert da vernissascha dal cudesch en l'hotel Palace a Scuol. Nina Mayer ha preschentà ensemen cun la band las chanzuns da tattas e tats, da bab e mamma, da la natira, da las stagiuns ed era da Nadal. Sustegnì la band han ina pluna uffants da la regiun.