Per la 5avla giada ha lieu la Crypto finance Conference (CfC) a San Murezzan. Il mund da cripto fascinescha gia dapi plirs onns. Daventar milliunari sur notg cun cumprar e vender Bitcoins e da l’autra vart persunas che fan grondas perditas e vegnan cugliunadas pervi da gronds crashs dal curs da talas valitas digitalas.
Il davos temp s’han cumuladas plitost novitads negativas en quella direcziun. L’euforia è ida enavos e politichers pretendan regulaziuns dal martgà da cripto.
Quai èn temas che vegnan discutads quests dis a San Murezzan. Co vinavant cun cripto? Tge regulaziuns èn necessarias e tge trends novs datti en la branscha.
