La societad da construcziun «Cooperativa Lagrev» a Segl po planisar vinavant la construcziun d'ina chasa da pliras famiglias en il territori Segl. Quai ha decis il suveran a la radunanza communala da gievgia saira. L'intent da la vischnanca è da crear emprimas abitaziuns pajablas per famiglias indigenas.
Suenter ch'ina firma da la Bassa aveva preschentà la stad passada in project han impressaris, mastergnants ed indigens fundà la «Cooperativa Lagrev» per evitar ch'ina firma estra surpiglia la construcziun. La vischnanca po uss pia far in contract da construcziun cun la societad indigena.
