En occasiun dal di naziunal dal numer d'urgenza 144 ha er il Salvament Engiadin'Ota (curt REO) avert sias portas sin l'areal da l'Ospital regiunal a Samedan. Quai surtut per sensibilisar la glieud da savair nua ch'ella chatta agid en cas d'urgenza e tge ch'ella duess far en da questas situaziuns.
Impressiuns dal di naziunal a Samedan
-
Bild 1 von 5. Bildquelle: RTR.
-
Bild 2 von 5. Bildquelle: RTR.
-
Bild 3 von 5. Bildquelle: RTR.
-
Bild 4 von 5. Bildquelle: RTR.
-
Bild 5 von 5. Bildquelle: RTR.
Il pli impurtant saja ch'ins annunzia in accident u in'urgenza adina sin il numer da telefon 144. La centrala a Cuira decida lura tgeninas squadras da salvament che han da vegnir alarmadas.
Ins n'ha mai d'avair tema u retegnientschas da telefonar sin il 144. La persuna che respunda vegn automaticamain a far las dretgas dumondas.
Cun differents posts è vegnida mussada la lavur da mintgadi da la squadra, che consista a Samedan ord 17 persunas. Tar l'equipament tutgan tschintg ambulanzas, sco er in auto per il medi d'urgenza, curt NEF.
En media vegn la REO clamada radund 1'800 giadas l'onn en la regiun da l'Engiadin'Ota. Cun agid ed instrucziuns dals paramedics han ils visitaders e las visitadras pudì reanimar, mesirar la pressiun dal sang u er vesair in'ambulanza da dadens.
Adattà al tema
Bleras persunas che cloman l’ambulanza èn uschenumnads cas da bagatella. Quai vul dir che tals cas na duvrassan betg immediat in tractament medicinal mabain èn persunas che pudessan ir il proxim di da lavur tar il medi da chasa. Ina reportascha.