Sandra Maissen (PCD) conquista cun 4801 vuschs il terz sez en l’executiva da Cuira. Ella è la segunda dunna en l’istorgia da Cuira che guverna la citad. Sia elecziun è resultat d’in duel tranter dunnas: Tant Sandra Maissen sco era Anita Mazzetta (VERDA) han omaduas cuntanschì il pli absolut. Mazzetta succumba cun 4571 vuschs – ella fa 230 vuschs damain.
Uschia daventa l’executiva da Cuira dad ina vart pli feminina – gist tenor il trend naziunal da l’onn passà. Da l’autra vart daventa ella pli burgaisa – gliez encunter il trend en las votaziuns naziunalas nua ch’ils verds avevan gudagnà.
