L'economia grischuna senta plaunsieu la mancanza da persunal en il chantun. Er sch'ils interprendiders grischuns èn detg cuntents cun la stiuaziun actuala ed optimistics per quest onn, sa mussa surtut la mancanza da persunal qualifitgà.
Quai resulta da la retschertga da l'Uniun tetgala da l'economia grischuna. La mancanza giaja plaunsieu vi da la substanza. Per part han las firmas stuì sistir projects, spustar investiziuns u reducir la qualitad da prestaziuns e products. E quai malgrà che 60% din ch'els hajan auzà las pajas ed augmentà l'attractivitad da la plazza. En general èn ca. 75% da las bunamain 330 firmas dumandadas cuntentas u fitg cuntentas cun la situaziun – fin la fin da l'onn quintan passa 80% cun resultats stabils u schizun da crescher in zic.
