L'emna passada ha la citad da Turitg annunzià lur mesiras per il cumbat cunter opioids sintetics en spezial encunter la droga fentanil. Quai suenter che ins ha constatà a Turitg dus cas nua che questa substanza era maschadà cun autras drogas. Tranter auter duai la populaziun vegnir sensibilisada, la tgira medicinala duai sa sviluppar ed i è vegnì producì «naloxon» in medicament d'urgenza che po gidar cunter ina surdosa.
Co guardi ora en il Grischun?
En il Grischun hajan ins era gia pudì testar cas da fentanil, nua che la substanza era maschadà cun autras substanzas. Cifras exactas na datti dentant betg. Tuttina è per ils responsabels cler che baud u tard sa derasia ella era en Svizra. Actualmain na po ins dentant anc betg discurrer dad ina gronda derasaziun, uschia Marcus Caduff.
Sin drogas – la seria
I dettia gia discussiuns per mesiras en chaussa. I vegnia investì en la sensibilisaziun ed en la infurmaziun, ins saja era gia vida organisar il cuntramedi «naloxon» che po gidar tar ina surdosa. Impurtant saja en il mument era l'observaziun da la situaziun per savair quant svelt che la droga sa derasa propi.
I fa en mintga cas mal il venter sch'ins vesa ils maletgs da citads pertutgadas ed ins sto ir da quai anora ch'ella arriva baud ni tard en Svizra. Quai munta che ins sto sco Svizra sa preparar en cuminanza sin quest tema.
Per Patrik Degiacomi vesa surtut era potenzial en dapli pussibilitads da testar per persunas dependentas. In uschenumnà «drug-checking» nua che persunas dependentas pon laschar analisar las drogas per betg consumar fentanil senza savair e per savair tge dosa che sa chatta en la droga.
Quai fa mal il venter als dependents, a la citad a tut ils responsabels fa quai quitads. Quai è incontestà. Nus essan era tuts dal avis che nus stuain s'occupar da quest tema ed examinar tge mesiras prender. La citad è averta e quai vegn coordinà cun il chantun.
Sin la stanza da consum vegnan las mesiras che vegnan consumadas en diversas citads e las mesiras ch'èn en discussiun en il chantun grischun betg ad avair ina influenza. Quant svelt che quella vegn messa en vigur dependa da las proceduras giuridicas.