La Societad Retorumantscha ha elegì Daniel Telli e Stefano Negrinelli sco assistents scientifics en la redacziun dal Dicziunari Rumantsch Grischun. Quai ha communitgà il DRG. Daniel Telli è oriund da Trin ed ha studegià filologia nordica e litteratura e linguistica englaisa a l’universitad da Turitg. Actualmain è el manader da la partiziun «Lingua» da la Lia Rumantscha a Cuira. El entra en sia nova plazza il prim d’avrigl 2024.
Stefano Negrinelli è oriund da Lugano ed ha studegià litteratura e linguistica taliana ed istorgia generala a l’Universitad da Turitg. El entra en la redacziun dal DRG il prim da mars 2024.
audio
Per tadlar: las novitads da las 09:00
ord RTR Audio dals 18.12.2023.
laschar ir. Durada: 2 minutas 21 Secundas.
