Di dal futur - Moderaturs e dunnas da camera da damaun en chasa RTR
En chasa RTR hai oz dapli travasch ch'usitadamain. Scolaras e scolars da differentas regiuns han visità RTR a chaschun dal Di dal futur per survegnir in'invista en il mund da las medias.
1 / 18
Legenda:
Far intervista e respunder dumondas.
RTR
2 / 18
Legenda:
Per far in'emissiun dovri differents gidanters.
RTR
3 / 18
Legenda:
Smincar per betg traglischar memia fitg en las glischs ed avant la camera.
RTR
4 / 18
Legenda:
Far retschertgas: daco datti be durant il temp d'enviern mandarinas? Las reportras emprovan da chattar respostas.
RTR
5 / 18
Legenda:
En il studio da televisiun
Flavio Bundi, schefredactur da RTR declera tge che capita avant e durant ina emissiun da televisiun.
RTR
6 / 18
Legenda:
Er ils collegas dal schurnal regiunal da SRF han survegnì visitas, siu pensum: tschertgar partenaris d'intervista
RTR
7 / 18
Legenda:
En il studio da radio
Far moderaziuns, giugar cun la musica e tegnair en egl il temp – moderatura Gaby Degonda declera.
RTR
8 / 18
Legenda:
Filmar e far dumondas cun il microfon.
RTR
9 / 18
Legenda:
Studio per in'emissiun
Avant che pudair far l'emissiun drizzan ils uffants en il studio per in'emissiun da Minisguard.
RTR
10 / 18
Legenda:
Tschentar las dretgas dumondas per far ina contribuziun da televisiun.
RTR
11 / 18
Legenda:
RTR
12 / 18
Legenda:
Biro regiunal Glion
Far retschertgas cun il redactur da sport Andreas Wieland a Glion.
RTR
13 / 18
Legenda:
Jeroen ha dastgà producir ina contribuziun da las «Linguarias» ensemen cun sia mamma, la linguista da RTR Marietta Cathomas.
RTR
14 / 18
Legenda:
Scolaras fan registraziuns da tun a Glion.
RTR
15 / 18
Legenda:
Moderatura Georgina Janki mussa ils trics da respunder, tschentar dumondas e registrar audio.
RTR
16 / 18
Legenda:
Studio a Samedan
Tagliar material da film per ina contribuziun cun la redactura da l'Engiadina Ulrica Morell.
RTR
17 / 18
Legenda:
Mintgatant ina pausa.
RTR
18 / 18
Legenda:
Ina lavur cha fa magari star sin il chau.
RTR
Tar la redacziun da radio han Julia ed Aita fatg ina visita. Ellas han survegnì in microfon, ed uschia han ellas dumandà ils auters uffants en chasa RTR tge che plascha e tge che marscha. Ellas èn stadas en in studio, tar la televisiun ed en blers auters lieus – e dapertut han ellas entupà uffants.
audio
Di dal futur: Tge che resta als var 20 uffants che han visità RTR
05:49 min, ord Actualitad dals 14.11.2024.
laschar ir. Durada: 5 minutas 49 Secundas.
Avant che puspè laschar ir a chasa Julia ed Aita, ha RTR vulì savair da las duas giuvnas tge che ha fatg impressiun. Quai han ellas tradì en l'intervista cun Bigna Florineth.
audio
Di dal futur: Julia ed Aita han visità RTR cun il microfon
02:23 min, ord Actualitad dals 14.11.2024.
laschar ir. Durada: 2 minutas 23 Secundas.
La linguista da RTR Marietta Cathomas ha nizzegià il Di dal futur per producir ina contribuziun da las «Linguarias» ensemen cun ses mattet Jeroen.
audio
Chaussas che han lur num d’ina marca
03:52 min, ord Linguarias dals 19.11.2024.
laschar ir. Durada: 3 minutas 52 Secundas.
Savens l'emprim contact cun la lavur en las medias
Mintg'onn il november han scolaras e scolars la pussaivladad da fufragnar en il mund da lavur ed accumpagnar geniturs ni enconuschents en lur mintgadi. Enstagl da far matematica, geografia e zambregiar en stanza da scola survegnan els invista en fatschentas ed organisaziuns. Er Radiotelevisiun Svizra Rumantscha ha adina puspè visita d'uffants che survegnan uschia in'invista en il mund da las medias, saja quai en ils studios a Cuira u en las regiuns. Ellas ed els pon far moderaziuns cun microfon e camera, accumpagnar moderaturas en il studio ed emprender d'enconuscher la tecnica che stat davos la producziun da televisiun, radio, online e social media.
