Di dal futur - 16 uffants èn sa participads a la producziun

Invista en il mund da lavur 

Explorar professiuns e secturs da lavur nunenconuschents ubain era professiuns nua che l’agen gender è sutrepreschentà, quai è stà la finamira dal di da futur naziunal che ha gì lieu ils 09-11-2023. RTR ha envidà ils uffants da dar in sguard davos las culissas. 

La damaun ha il schefredactur, Flavio Bundi fatg in bainvegni als uffants e declerà la chasa da medias. Silsuenter han ils uffants pudì accumpagnar las redacturas ed ils redacturs e dar in sguard sin lur professiun preferida.

Tgi ha visità il studio da radio cun il siemi da daventar moderatura, tgi ha fatg cuntegn per ils chanals socials ed auters han pruvà ora tut las differentas cameras.