La media chantunala Marina Jamnicki crititgescha l’Uffizi federal da sanadad ina pervi da la repartiziun dal vaccin cunter Covid-19. Il BAG chastieschia il Grischun, perquai ch’il chantun haja fatg reservas per la segunda dosa en vista a stretgas tar la furniziun. Quai ha ditg Jamnicki en in’intervista cun la «Schweiz am Wochenende». Perquai ch’il Grischun ha vaccinà pli pauc, cumpareglià cun auters chantuns, haja il BAG stritgà al chantun ina part da las novas furniziuns.
Consequenzas grittentescha
Gist questas consequenzas dal BAG ha grittentà la media chantunala. Questas reservas sajan be vegnidas fatgas per pudair garantir a tuttas e tuts la segunda vaccinaziun aifer il temp necessari. Ins haja davent da l'entschatta planisà quai uschia per esser preparà sin las stretgas tar la furniziun. Ils emprmis pass tar la repartiziun da las dosas da vaccin saja stà chapibel. Las furniziuns supplementaras sajan ussa reglà fitg intransparent. Ella pretendia da la Confederaziun ina clera e transparenta clav da repartiziun.