La regenza grischuna ha definì l'areal «Oldis» a Cuira sco territori d'energia da vent. Perquai ch'il project e la planisaziun sajan gia avanzads fitg bain succedia l'adattaziun dal plan directiv chantunal gia uss, malgrà che quel vegnia actualmain surlavurà.
Datiers da l'implant d'energia da vent existent «Oldis 1» è planisà in segund implant da la Calandawind SA. Ensemen duain quels dus producir fin 12 uras gigawatt electricitad ord vent per onn.
L’emprima roda da vent è sa cumprovada
Dapi 11 onns è ina roda da vent che producescha electricitad per 1’300 chasadas gia en funcziun a Haldenstein. Quai è stà da quellas uras in project da pionier. Er suenter in decenni è ella anc adina l’unica roda da vent en il Grischun. Uss sa mida quai. La segunda roda da vent duai producir energia supplementara per radund 2'000 chasadas. L’acceptanza per ina nova ovra da vent saja gronda, dian ils iniziants Josias Gasser e Jürg Michel.
Or da l'archiv:
