La citad da Cuira quinta cun custs da 43 milliuns francs per la nova Stadthalle sin l'areal Obere Au. En ina concurrenza ha il project «Neuestadthalle» gudagnà cunter las quatter autras interpresas en cursa, sco la citad da Cuira scriva. Il project correspunda il meglier a las premissas ed è per lunsch ora il pli favuraivel.
Plinavant quinta la citad da stuair dar ina contribuziun annuala da 560'000 francs a la nova Stadthalle. Cuira quinta ch’il manaschi da la nova halla vegni a curclar ils custs. Cun resguardar amortisaziun e tschains vegn il manaschi dentant a far minus.
Il bajetg actual sto numnadamain far plaz, tenor ils plans a la nova staziun da val da la colliaziun directa Cuira-Brambrüesch.
Or da l'archiv: