Tgi e tge ch'i vegn ad avair en ils tschintg edifizis enturn la plazza d'inscunter n'è anc betg cler. Per decider quai vegni a dar ina concurrenza d'investiders. Pussaivel fissan restaurants, butias per exempel da velos u era in hotel da famiglia. Tge ch'i na vegn betg a dar en las chasas èn abitaziuns.
Nus lain dar vita a la plazza e purtar giasts en la citad da Cuira.
Las lavurs da construcziun duain cumenzar il 2024 cura ch'ins vul spazzar la Stadthalle. Là nua che lezza stat, vegn la nova staziun da la pendiculara a star. Per ch'ins possia garantir in manaschi da pendiculara senza interrupziun, ha la staziun d'esser finida il 2026. Il rest da la plazza sco er ils edifizis èn planisads d'esser a fin il 2029.
Visualisaziuns da la staziun da val
-
Bild 1 von 2Legenda: Visualisaziun vista sid dal project directiv citad Cuira -
Bild 2 von 2Legenda: Visualisaziun vista nord dal project directiv citad Cuira
La Stadthalle vegn giu tar l'Obere Au
La citad da Cuira na duai però betg restar senza halla d'events. La nova Stadthalle è planisada sin l'areal da l'Obere Au ed avess plazza per maximalmain 8'000 persunas. Ils custs vegnan per il mument stimads sin var 36 milliuns francs. Il suveran da Cuira ha lura il november 2022 la pussaivladad da vuschar per u cunter la nova Stadthalle. Tenor il president da la citad, Urs Marti dovra Cuira ina halla d'events en questas dimensiuns.
Ina halla d'events na renda betg finanzialmain, tuttina duvrain nus ina.