In onn corona vul era dir in onn da tgira al limit. Co è quest onn spezial stà per las chasas da tgira ni per ils ospitals? Tge èn las sfidas? Tge èn las spetgas envers la politica? E tge schliaziuns ha la politica?
En in'emprima runda èn ils ospitals pitschens e las chasas da tgira ed attempads en il center. Ils giasts èn stads:
- Claudia Tomaschett, manadra da la chasa da tgira e d'attempads Glion
- Urs Cadruvi, directur da l’ospital Schiers da la fundaziun Flury
Il persunal da tgira haja prestà immensa lavur, accentueschan omadus. Il coronavirus saja stà per tuts ina nova sfida ed uss in onn pli tard, avess'ins forsa fatg ina u l'autra chaussa auter, sco per exempel cun material da protecziun ubain scumandar tractaments betg urgents.
En in'emprima runda èn ils ospitals pitschens e las chasas da tgira ed attempads en il center.
Tema da la segunda runda da discussiun: La politica e quai culs giasts:
- Renate Rutishauser, presidenta da l’Associaziun da tgirunzas e tgirunzs Grischun e deputada dal Cussegl grond (PS)
- Martin Schmid, cusseglier dals chantuns (PLD) e president dal cussegl d’administraziun da l’ospital chantunal dal Grischun
Tar la dumonda co la politica ha fin uss dumagnà la pandemia, n'èn ils dus politichers gnanc uschè malperina. Tut auter dentant sch'i va per l'avegnir, concret per l'iniziativa da tgira: Entant che Renate Rutishauser sustegn quella e crai era d'avair il sustegn da la populaziun – è Martin Schmid cunter.
Spetgas envers la politica
Il persunal da tgira ha cleras spetgas envers ils responsabels e la politica:
Avais Vus dumonda? As participai a la discussiun en ils commentaris sutvart!
Era l'emissiun «Cuntrasts» sa deditgescha a la tgira e mussa il mintgadi da las tgirunzas: Anita Pedretti tar la Spitex en Engiadin’Ota, Fabiana Sac sin la staziun da pandemia da l’ospital chantunal a Cuira e Petra Battaglia en la Chasa d’attempads a Savognin:
