Da decider tgi che ha in impediment n'è betg simpel cun quai che blers impediments n'èn betg visibels u betg definids. Vala ina persuna cun schletta vesida sco persuna cun impediment sch’ella n'ha betg si ils egliers? Ed uschia n'èsi betg pussaivel da dar ina cifra concreta, quantas persunas cun impediment ch'abitan en il Grischun. Pro Infirmis ha menziunà che var 20% da la populaziun dal Grischun hajan in impediment, pia var 40’0000 persunas.
Definiziun tenor lescha
Sch'ina persuna è restrenschida en la furmaziun, tar la lavur u en la societad – saja quai or da motivs spiertals, psichics, linguistics u sensorics – lura vala quai tenor lescha sco impediment.
La segirezza sociala calculescha la renta da l’invaliditad betg tenor l’impediment, dentant tenor la capacitad da lavur. Or da la differenza dal salari e da la capacitad da lavur vegn lura calculada la renta d’invaliditad.
Quant ha ina persuna fadià avant il donn da sanadad e quant suenter?
Definiziun da l’agen parair e dad obstachels
Sco che ina persuna che sa vesa sez vala er sco gronda definiziun.
Hai jau in impediment, sun jau cumplettamain en la societad u vegn jau impedì d'obstachels?
Per exempel sche ina persuna dovra la sutga da rodas per sa muventar, lura savess questa far part da la societad e viver in mintgadi normal. Mo cun stgalas, stgalims u rampas memia stippas vegn la persuna impedida da l'ambient.
