Ils ins han gì uschè ina buna chatscha sco anc mai – per exempel Andri Baltermia ch'ha fatg preda plirs dis. Ses collega Sandro Demarmels ha gì mais success. Il buc ch'el aveva sajettà era cnap betg lubì. Perquai ha el stuì pajar ina multa.
Quest onn hai jau stuì sustegnair in zic il chantun, perquai ch'jau hai sajettà in buc che n'era betg lubì.
Schebain ch'el avess gì plaschair d'anc pudair sajettar in animal lubì è el tuttina cuntent cun la chatscha da quest onn. L'ultim di da chatscha, pia la sonda, saja stà in mument spezial per el, simplamain in di da bellezza en la natira.
Dorian Sonder ha fatg preda quest onn, ed er el ha gì ina situaziun speziala: L'emprim di da chatscha ha el gì ina chaura-chavriel suletta avant la buis. Mo cura ch'el ha vulì sajettar, na saja il tir betg ì liber – igl n'haja simplamain betg duì esser.
Il tschierv da la vita
Grond success percunter ha Domenic Sonder gì quest onn. Ses 19avel onn da chatscha ha el pudì sajettar in tschierv da curuna. Quai saja in grond success e fetschia fitg plaschair. Il medem di haja in collega chatschader sajettà dal medem post in tarment taur. Uschè in grond success stoppia natiralmain era vegnir festivà a moda e maniera meritada. La festa saja gia ida libra l'avantmezdi.
Ussa – suenter la finiziun da la chatsch'auta da quest onn – èsi dentant temp per metter da la vart la flinta ed il perspectiv e puspè turnar a la lavur quotidiana.
I na va gnanc in entir onn fin la proxima chatsch'auta.
Per el è pia suenter la chatsch'auta avant la proxima chatsch'auta – ed el na vegn franc betg ad esser il sulet.
