D'in project da l'Ospital chantunal che custa 4,74 milliuns francs surpiglia il chantun 1,84 milliuns. La finamira da quai project è da scolar persunas en la tgira cun meds digitals. Uschia stoppian persunas dal fatg sa fatschentar main cun la scolaziun, e la scolaziun vegnia pli flexibla.
La regenza annunzia sin sia pagina d'internet, ch'i duai dar ina plattafurma virtuala. Sin quella duain las persunas en scolaziun sa participar cun egliers da VR a scolaziuns. La scolaziun duai pretender ina participaziun activa, e las persunas en scolaziun duain pudair interiurisar uschia ils moviments e las acziuns cun pazientas e pazients.
Ils daners per il project vegnan concedì en il rom da la lescha chantunala da la transfurmaziun digitala.
