Legenda:
Il project da taglia 17 muntass damain entradas per il Grischun.
Keystone
cuntegn
Chantun - Project da taglia 17: Damain entradas per il Grischun
Il sboz per la revisiun parziala da la lescha chantunala da taglia e da la lescha davart las taglias communalas e davart las taglias da baselgia va en consultaziun. Cun questa revisiun parziala duai vegnir realisà il project fiscal 17 da la Confederaziun sin plaun chantunal.
Il departament da finanzas dal Grischun ha preschentà la realisaziun concreta dal project fiscal 17 da la Confederaziun. Il chantun quinta cun in minus d’entradas da radund 21,5 milliuns francs entras il project, quai correspunda a 3% da tut ils retgavs da taglia dal chantun.
La regenza grischuna ha preschentà en ses sboz pliras mesiras per far frunt a las consequenzas da la refurma. La consultaziun dura fin november 2018. A Berna tracta il Parlament federal il project fiscal 17 durant la proxima sessiun d'atun.
