Il fotograf grischun da renum internaziunal Hans Danuser è mort en la vegliadetgna da 71 onns. La «Fondazione Garbald» da Castasegna ha confermà in rapport da la «Südostschweiz». Danuser era president d'onur da questa fundaziun.
Hans Danuser è naschì il 1953 a Cuira e valeva sco in dals pioniers da la fotografia contemporana en Svizra – quai davent dals onns 1980. Sias ovras èn stadas en exposiziun en Svizra ed era en l'exteriur, sco per exempel a Moscau, Minca e New York.
Vegnì enconuschent sin nivel internaziunal è el cun ses ciclus «In Vivo» dal 1989 – cun fotografias dal martgà dad aur, da la biotecnologia e da l'energia nucleara. Quai è era stà sia spezialitad da cumbinar l'art cun la scienzia e colliar quests cun dumondas da la socitad contemporana. Ils onns 90 per exempel ha el deditgà sias ovras artisticas a la perscrutaziun da gens, la medischina da reproducziun, però era a la midada dal clima.
Ord l'archiv