Curt suenter gentar ha la radunanza cumenzà sin la plazza da la staziun, suandà da pleds d'inauguraziun per tudestg, talian e rumantsch. Enramà è il program vegnì da la furmaziun da tiba Heidiland, avant ch'il til da demonstraziun è sa mess en moviment las 14:00 tras la citad veglia enfin il Stadtpark.
-
Bild 1 von 7. Part da la KhurPride èn in char da musica – sa chapescha cun las colurs dal artg – e la vatga «Petrasilia Capuns». Bildquelle: RTR.
-
Bild 2 von 7. Da buna luna: La glieud presenta losch lur bandieras e placats. Bildquelle: RTR.
-
Bild 3 von 7. Cumenzà ha la radunanza a la staziun da Cuira. Il til maina fin il «Stadtpark». Bildquelle: RTR.
-
Bild 4 von 7. La bandiera cun las colurs da l'artg è propi il simbol caracteristic per la diversitad. Bildquelle: RTR.
-
Bild 5 von 7. Questas colurs d'artg chattan ins dapertut – sin bandieras, sco schlingias, soccas, fruntagls ed anc bler dapli. Bildquelle: RTR.
-
Bild 6 von 7. Il char da musica e la vatga «Petrasilia Capuns» èn prompts per il til tras la cità da Cuira. Bildquelle: RTR.
-
Bild 7 von 7. «Queerbünda Gründa» è il motto da questa KhurPride. In placat cun quest motto maina il til tras la cità. Bildquelle: RTR.
Da prender part ad ina pride è adina in grond plaschair: da purtar las pretensiuns sut la glieud, da sentir questa cuminanza ed esser losch.
I saja in di da giudair. Bleras persunas che prendan part a la Khur Pride han ditg ch'i saja in vegnir ensemen cun persunas ch'acceptan in l’auter.
I ma dat il sentiment che jau na sun betg persula. Jau ves ch'i dat fitg blers che sa sentan medem scp jau.
Schegea che tut è fitg festiv saja impurtant da vesair, che questa Khur Pride è il medem mument er ina demonstraziun per ils dretgs da persunas da tut ils genders e tuttas sexualitads. La cuminanza queera pretenda acceptanza ed egualitad envers tuts – independent dal gender u la sexualitad. Tuts duain avair ina plazza en la societad.