Donald Trump ha era gudagnà a South Carolina. Tar la preelecziun per la candidatura dals republicans vegn Trump sin radund 60% da las vuschs. Sia cuntracandidata Nikki Haley vegn sin 40% da las vuschs. Haley resta la suletta cuntracandidata cunter Trump per la nominaziun sco candidata per il presidi dals Stadis Unids.
Trump ha enfin uss 107 vuschs da delegadas e delegads, Haley 17. En il sistem da preelecziun datti en tut 2'272 vuschs da delegadas e delegads.
Anc n'èn betg tuttas vuschs dumbradas or, tenor CNN ha Trump dentant gudagnà enfin uss 44 da las pussaivlas 50 vuschs en il stadi South Carolina. Haley ha gia annunzià ch'ella na vegnia betg a dar si, era sch'ella perda a South Carolina. Ella vegnia a cuntinuar almain enfin ils 5 da mars, pia fin l’uschenumnà «Super Tuesday». Quest di datti preelecziuns gist en plirs stadis.
