Donald Trump ha er gudagnà la preelecziun dals republicans en il stadi federativ da New Hampshire. Quai rapportan pliras medias americanas. Tenor stan actual vegn l’anteriur president american sin radund 54% da las vuschs. Sia suletta concurrenta, l'anteriura ambassadura tar las Naziuns Unidas, Nikki Haley, vegn sin 45%.
Davant ses aderents ha Haley ditg che la cursa na saja anc betg decidida e ch’ella vegnia a cuntinuar cun ses cumbat electoral almain enfin ils 5 da mars, pia fin l’uschenumnà «Super Tuesday». Quest di datti preelecziuns gist en plirs stadis.
Donald Trump è pli tard sa mussà segir da la victoria. Anc mai haja in candidat gudagnà las elecziuns preliminaras ad Iowa ed a New Hampshire e na saja lura betg vegnì nominà sco candidat per il presidi, uschia Trump.
Or da l'archiv
