Il diever d’intelligenza artifiziala en scolas duai vegnir reglamentà tant pli spert. Quai pretenda l’Unesco, l'Organisaziun da cultura da l'ONU. La magistraglia duaja vegnir scolada e prescripziuns adattadas stoppian vegnir realisadas.
Per quest intent ha l'Unesco preschentà in manual, en il qual ch’ella recumonda per exempel dastgar duvrar Chat-GPT pir a partir da 13 onns. Plinavant dovria en las scolas ed en la perscrutaziun standards generals per la protecziun da datas e da la sfera privata.
